بحبك …
بكل عيوبك
بهبلك ونرفزتك وجنونك
بعصبيتك وغيرتك وعنادك
في كل حالاتك واوقاتك
واغازلك بعيوني
واتوه أن يوم غاب طيفك
بحبك..
..
تسمحيلي….
قاعد ع البحر وبدعيلك
وتاهت امواجي في قناديلك
وشارد قلمي في الحدوته
وسارح في الخيال ومكمل
تسمحيلي
نعيش انا وانتي وبس
ومطره وبحر وشمس
وليل ونجوم وقمر
انا وانتي وبس
محتاج اتنح في عيونك
واضحك تضحكي
وأشوف الفرحه في عيونك
والمس بكفي خدودك
وتلامس ايديا كفوفك
واهديكي ورده والمح كسوفك
واضمك لحضني واقولك بحبك
..
تسمحيلي …
قبل العمر ما يسرقنا والوقت يعدي
محتاجك تبقي معايا في بيت واحد
انا وانتي وعيالنا
ونسافر بعيد عن عيون الناس
وناخد بايد بعض للجنه
تسمحيلي .